كلمتك مسموعة مع الطبقات الصلبة!

[HardLayers.com]

السلام عليكم ورحمةا لله وبركاته.

أعزائنا عملائنا وزوارنا الكرام

في المنتدى حابين نتكلم مثل الإخوان وبدون رسميات . علشان كذا ماراح اسوي مقدمات ولا موسطات ولا أي شي
أصلا هونت ماعاد ابي اكتب شي

يالله مع السلامة



أكيد إني أمزح ,

المهم
في الحقيقة المنتدى هذا فتحناه بالبداية وكان الهدف منه إنه يكون مركز للشروحات وللتجارب للهاكات ومعرض للستايلات اللي نقدر نركبها لعملائنا الكرام.

وقد تكلم معاي بعضكم بخصوص هذا المنتدى , بحيث إننا نحييه , نحط فيه هاكات رسمية معتمدة من الطبقات أو يكون فيه أقسام هاكات ومن هالامور وشروحات للمنتديات ومكان للأسئلة والأجوبة وبرضه التواصل عن طريق المنتدى سهل بحيث إن تقريباً الكل متعودين عليه.

أسهل من التذاكر اللي جابت للبعض منكم الـــ (مانيب قايل )

ف حابين إننا نبني هالمنتدى لبنة لبنـة يد بيد الكل جميع , وإذا ماشفنا فيه حماس , بنخليه زي ماهو معرض للستايلات وتجارب للهاكات وفيه شوية شروحات.




الفكرة اللي ببالنا حالياً إنه ممكن بدال الدعم الفني والتذاكر وهالأمور , نخفف الحمل شوي علينا وعليكم بحيث إنه نفتح أقسام مثلاً لمشاركة الخبرات بين العملاء بأنفسهم أو اصحاب المواقع بشكل عام , بحيث لو أحد إكتشف إكتشاف جديد وحاب يشارك الآخرين يفتح موضوع بطريقة سهلة والكل يشوفها ,, ولو شخص عنده مشكلة ومو حاب يفتح فيها تذكرة مثلاً يكتبها هنا وتتشاركون الحل مع بعض بحيث إنه ممكن البعض منكم ماعاد يحتاج الدعم الفني وممكن يحصل حلول لمشاكله هنا.
ملاحظة: لن يتم إلغاء الدعم الفني أبداً ونحن متواجدون لخدمتكم بأي وقت باللي ربي يقدرنا عليه

فيه كثير من أصحاب المواقع لدينا في الحقيقة لديهم من الخبرات بأمور المواقع الكثير , وحابين إنهم يكونون من الأعضاء الفعالين لدينا.
وفي البداية والنهاية , كان هدفنا بإنشاء الطبقات هو مساعدة أصحاب المواقع في بناء مواقعهم خطوة بخطوة , بحيث إن الواحد يحاول يعتمد على نفسه أكثر الوقت , ويعرف الطرق والأسرار اللي يحتاجها لإدارة موقعه والإعتماد على نفسه , بحيث بالمستقبل لو صار شي لا سمح الله , كل واحد يعرف اللي له واللي عليه.

مشاركة المعرفة هي هدفنا , ومانحب نحتفظ بأسرار المهنة فوق اللازم , لو شخص طلب مننا إننا نغير إسم منتدى مثلاً , مانقول له 50 ريال (نستغل عدم معرفته طريقة تغيير إسم المنتدى) , لكن , اللي ودنا إننا نوصل له , نتعلم كلنا مع بعض , وتقدرون توفرون لكم قرش قرشين بدال الإستغلال اللي صاير وواضح للجميع في عالم الإستضافة العربي.


هنا أحب التوضيح : لا أقصد بأن عالم الإستضافة العربي كله إستغلال , بل هناك الكثير من الشركات الرائعة والرائدة في هذا المجال واللي يخدمون عملائهم بطرق ممتازة ومسؤولة, ونطمح إلى أننا نكون من هذه الشركات معاكم إن شاء الله


ف ساعدونا إن كنتم ترون لهذا المنتدى بصيص أمل أو ترون فيه ضرورة أو مساعدة لكم بأي شكل من الأشكال, وإن شاء الله ربي يقدرنا على اللي نقدر عليه.
نحتاج منكم أفكار للأقسام ,
أفكار للمنتدى بشكل عام , إيش ودكم يكون فيه ؟ وإحنا جاهزين إن شاء الله باللي نقدر عليه, والأهم من هذا كله , نقصر المسافة بيننا وبينكم ونتقارب وماحد يبخل على أحد بالخبرة اللي عنده.

تحياتي
مهند العتيبي

[Design]

بعد السلام
والتحية ..

آول شيء آهنيك يا مهند على الجهد الجبآآر المتوآصل اللي تبذله .. لرآحة العملاء ..

وآن شاء الله الكل بيتعاون معك .. وآنآ آول وآحد ..

والله يوفقك يآ مهند ويوفق الجميع يارب ..

من نآحيتي آنآ إنقطعت فترة طويله بسبب الدرآسه وآخر سنة .. وإن شاء الله نرجع مثل آول وآحسن ..

بالنسبة للآقسآم .. آمممممم

من جهتي آنآآ حط قسم للستآيلات .. دآخله قسمين مجآنيه و خآصه

وبإذن الله مآرآح آقصر آبد آبد

دمت سآلم ’